Gender bərabərliyi məsələsi, qadın hüquqlarının təmin olunması, məişətdə, sosial həyatda qadınların hüquqlarının pozulması hər zaman Azərbaycan cəmiyyətinin ağrılı problemlərindən olub.
Bu istiqamətdə həm dövlət, həm vətəndaş cəmiyyəti, həm də mətbuat tərəfindən xeyli iş görülsə də, hələ də problem tam olaraq həllini tapmayıb. Bu istiqamətdə ən vacib məsələlərdən biri də davamlı maarifləndirmə işlərinin aparılması, gender problemlərinin ictimai müzakirəyə çıxarılaraq gündəmdə saxlanmasıdır.
Məhz bu səbəbdən Müsavat TV-nin informasiya dəstəyi ilə Qadın Haqları və Gender Bərabərliyi İctimai Birliyinin Azərbaycan Respublikasının Prezidenti yanında Qeyri–Hökumət Təşkilatlarına Dövlət Dəstəyi Şurası ilə birgə “Haqqımız var- Gender bərabərliyinin təmin olunması üçün tədbirlər proqramı” layihəsi həyata keçirilir. Layihə çərçivəsində bu sahənin ekspertləri ilə verilişlər hazırlanaraq izləyicilərə təqdim olunur.
Layihə çərçivəsində qonağımız “Təmiz Dünya” Qadınlara Yardım İctimai Birliyinin rəhbəri Mehriban Zeynalova oldu. Azərbaycan cəmiyyətində gender problemlərinə, məişət zorakılığına həsr olunan verilişi daha ətraflı təqdim etdiyimiz videodan izləyə bilərsiniz.
Nərgiz LİFTİYEVA,
Məğrur SALMANOV,
Musavat.com
