Hazırda Azərbaycanın ən böyük problemi Dağlıq Qarabağ münaqişəsi olduğundan, region dövlətlərinin , həmçinin beynəlxalq tərəfdaşlarımızın bu istiqamətdə hansı mövqe tutması onların Azərbaycana qarşı mövqeyinin göstəricisidir. Azərbaycanın ən böyük dostu və tərəfdaşı Türkiyə olsa da, təəssüf ki, əks mövqedə olan, hətta düşmən olan ölkələr də var. Türkiyənin qardaşlığı kimi, Ermənistanın düşmən ölkə olması da artıq aksiomdur. Bəs görəsən, vətəndaşlar digər dövlətlərdən hansını ölkəmizə dost, hansını düşmən hesab edirlər?
Musavat.com-un reportyor qrupu olaraq, bu sualla bağlı ictimai rəyə aydınlıq gətirmək üçün paytaxt sakinləri arasında sorğu keçirdik. Azərbaycana münasibətdə dost və düşmən ölkələrin adını çəkin deyə müraciət etdiyimiz paytaxt sakinlərinin fikirləri maraqlı oldu.
Daha ətraflı təqdim etdiyimiz videosorğudan izləyə bilərsiniz.
Alim Liftiyev
Rafət Şahbazov






