Azərbaycan vətəndaşı “Sınıq körpü” sərhəd-keçid məntəqəsindən Gürcüstana bəyan olunmamış qızıl əşyalar keçirməyə cəhd edib.
“Report”un yerli bürosu xəbər verir ki, bu barədə Gürcüstan Maliyyə Nazirliyinin Gəlirlər Xidməti məlumat yayıb.
Azərbaycan vətəndaşının idarə etdiyi avtomobildən gömrük nəzarətindən gizlədilmiş ümumi çəkisi 92,85 qram olan qızıl əşyalar aşkar olunub.
Əşyaların ümumi dəyəri 7,538.69 lari təşkil edib.
Azərbaycan vətəndaşına qarşı zinət əşyalarının dəyərinə bərabər məbləğdə cərimə sanksiyası tətbiq olunub.
