Martın 3-də ADP qərargahında Antiböhran Koalisiyası işçi qrupunun növbəti keçirilib. Bu barədə Musavat.com-a Koalisiyanın sözçüləri məlumat veriblər. Məlumatda bildirilir ki, iclasda aşağıdakı qərarlar qəbul eidlib:
- KİV və ayrı- ayrı vətəndaşlardan Koalisiya barədəki suallarla əlaqədar belə bir məlumatın yayınlanması razılaşdırılıb. “Antiböhran Koalisiyası mövcud geosiyasi, iqtisadi, sosial və hərbi- siyasi böhran və sarsıntılar dövründə meydana çıxmış təhdidlərə qarşı milli gücün səfərbər olunması, cəmiyyətin və dövlətinin təhlükəsizlik və inkişaf strategiyası ilə bağlı çağrılara adekvat cavabların tapılması naminə səylərin koordinasiya edilməsi məqsədilə Azərbaycanda fəaliyyət göstərən ictimai siyasi qüvvələr tərəfindən yaradılıb.
Koalisiya: - layihələr, proqramlar, konsepsiyalar, analitik arayışlar və rəylər hazırlamaq, ictimai müzakirələrə çıxarmaq, dövlətə və ictimaiyyətə təqdim etmək; dinləmələr, diskussiyaların keçirilməsi yolu ilə fərqli düşüncə, mövqe və alternativləri ortaya qoymaq; seminarlar , konfranslar, mütəxəssislər və ekspertlərlə görüşlər, keçirmək; öz mövqeyini qanunla qadağan olunmayan bütün vasitələrdən istifadə etməklə ifadə etmək və s. formalarda fəaliyyət göstərir. Koalisiyanın işi ilk dövrdə onun Təşəbbüs Qrupu tərəfindən təşkil edilir”;
- Qərara alınıb ki, böhranla bağlı mövzuda YAP, siyasi müxalifət problemləri mövzusunda Milli Şura və Müsavat Partiyası xalq və KİV qarşısında açıq debatlara çağırılsın. Bu məsələnin icrası ADP sədri Sərdar Cəlaloğluna həvalə edilib;
- Kütləvi aksiyalarla bağlı yerlərdə və Mərkəzdə komitələrin yaradılması KXCP sədr M. Mirəlioğluna və AXP sədri P. Hüseynə həvalə edilib.
Musavat.com
