Onun sözlərinə görə, AMİP 2013-cü il prezident seçkilərində iştirak etmək haqqında qərar verib və partiyanın namizədi AMİP-in qurultayında müəyyənləşəcək: “AMİP Azərbaycanda çoxpartiyalı sistemin əsasını qoyan bir partiyadır və öz nizamnaməsində hakimiyyətə yalnız seçki yolu ilə gəlməyi əsas götürür. Ona görə də biz birmənalı şəkildə prezident seçkilərinə iştirak edəcəyik. Partiyanın namizədini isə qurultay müəyyən edəcək”.
Y. Bağırzadə qeyd edib ki, partiyanın XI qurultayı mart ayının ilk ongünlüyündə keçiriləcək. Hal-hazırda qurultaya hazırlıq işləri getdiyini deyən partiya sədrinin sözlərinə görə, qurultayda 2013-cü il prezident seçkiləri ilə yanaşı partiyadaxili məsələlər, struktur dəyişiklikləri, Siyasi Şuranın tərkibi müzakirə olunacaq.
