Vürzburqdan olan alman tədqiqatçılar Ermənistanda skafandrları və kosmik robotları sınaqdan keçirirlər.
Bu barədə “Bild” nəşri məlumat yayıb.
Ermənistanın topoqrafiyası, alman tədqiqatçılarının fikrincə, ən çox Marsın topoqrafiyasına bənzəyir, buna görə də alimlər orada gələcək kosmik missiyalar üçün robotları sınaqdan keçirmək qərarına gəliblər.
Vürzburqdan olan tədqiqat qrupu aprelin əvvəlinə qədər Azərbaycan və Türkiyə sərhədindəki Armaş kəndində qalacaq. Burada regionun 3D xəritəsini yaratmalı olan iki xüsusi robotun sınaqları həyata keçiriləcək. Bundan əlavə, alman tədqiqatçıları Marsda hava şəraiti üçün nəzərdə tutulmuş (mənfi 133 dərəcədən + 27 dərəcəyə qədər) yeni skafandr növlərini sınaqdan keçirirlər. (Publika.az)
