"Fermerlər üsyan edirsə, bu, çox zaman gələcəkdə həmin ölkənin çətin günlərlə üzləşəcəyi anlamına gəlir.
Musavat.com xəbər verir ki, bunu Avstriyanın Xarici İşlər Nazirliyinin keçmiş rəhbəri Karin Kneissl köşə yazısında bildirib.
O deyib ki, Almaniya son vaxtlar ölkə boyu fermerlərin kütləvi etirazları ilə yadda qalıb:"Bəli, fermerlər əhalinin cəmi 5%-ni təşkil edir, lakin bir çox həmvətənlər qışda küçələrdə etirazçıları əsl alqışlarla qarşıladılar və bununla da onların tələblərinin ədalətli olduğunu təsdiq etdilər. Narazılığın bir çox səbəbi var. Bu, təkcə yüksək vergilər, inflyasiya və ya planeti xilas etmək naminə bürokratik təzyiqin növbəti artımı deyil. Kansler Olaf Şolzun üçpartiyalı koalisiya hökuməti hər tərəfdən tənqid olunur. Lakin hakimiyyətə qarşı çıxanlara da avtomatik olaraq ekstremist damğası vurulur".
Karin vurğulayıb ki, fermerlərin müntəzəm və bəzən çox kreativ etirazları ilə məşhur olan Fransa ilə müqayisədə, Reynin o tayında belə etirazlara az rast gəlinir. Ümumiyyətlə, uzun müddət lazımdır ki, almanlar küçələrə çıxmağa, bu formada etiraz etməyə qərar versin. Tarix göstərir ki, kəndli üsyanları çox vaxt həqiqi inqilablara səbəb olub. Zəngin dövlət subsidiyaları ilə bugünkü alman fermerləri, əlbəttə ki, 16-cı əsrin, 1524-1525-ci illər Kəndlilər Müharibəsində Tomas Munzerin yoldaşları ilə müqayisə oluna bilməz. Ancaq bu və ya digər şəkildə inqilabi hisslərin yüksəldiyi göz qabağındadır".
Afaq,
Musavat.com
