saat 00:55
Musavat.com-un məlumatına görə, bomba ilə yüklənmiş maşın səfirliyin qarşısında partladılıb. Hadisə gecə saatlarında baş verib. Partlayış nəticəsində 50 nəfər yaralanaraq xəstəxanalara aparılıb. 2 nəfərin isə öldüyü açıqlanıb.
Partlayışın gücündən yaxınlıqdakı ev və iş yerlərinin pəncərələri sınıb. Hadisə yerinə gələn alman əsgərlər binaya yaxınlaşmağa icazə vermir. Terror aktını “Taliban” terror təşkilatı üstlənib. Terror təşkilatı partlayışın Əfqanıstanın şimalındakı Kunduz vilayətinin bombardman edilməsinə cavab olduğunu bildirib.
***
Birinci partlayışdan sonra yaxınlıqda ikinci bir partlayışın da meydana gəldiyi bildirilib. Bölgəyə NATO bazasından hərbçilər göndərilib. İkinci partlayışdan sonra atışma baş verib və yaralıların sayı 110 nəfərə çatıb. Ölü sayının artacağı istisna edilmir. Verilən məlumata əsasən, şəhərdə elektriklər kəsilib.
***
Yerli mətbuatın yazdığına görə, partlayış nəticəsində ölənlərin sayı 4-ə, yaralıların sayı isə 119 nəfərə çatıb. Əfqanıstan Xarici İşlər Nazirliyindən isə ölü və yaralıların sayı barədə dəqiq məlumata malik olmamadıqları bildirilib.
Musavat.com
