Avropa İttifaqı (Aİ) ölkələri Rusiyanın qazı təyin etmədən cilovlamaq imkanlarına baxmayaraq, gələn qışda qazdan istifadəni azaltmağa razılaşıb.
Musavat.com Teleqraf.com-a istinadən xəbər verir ki, Brüsseldə toplaşan Avropa İttifaqına üzv 27 ölkənin enerji nazirləri gələn qışda qaz istehlakının azaldılması barədə razılığa gəliblər.
Plan fövqəladə hallar üçün, məsələn, Rusiyanın əhəmiyyətli miqdarda qaz axını kəsdiyi zaman 15 faizlik kəsilmə hədəfi təyin edir.
Müqavilənin yaxın bir neçə gün ərzində qanuni qüvvəyə minəcəyi gözlənilir. Nəzərdə tutulan tənzimləmənin əvvəl deyildiyi kimi 2 il yox, 1 il müddətində qüvvədə olması gözlənilir.
Lüksemburqun xarici işlər naziri Klod Turmes tviterində qərara qarşı çıxan yeganə ölkənin Macarıstan olduğunu bildirib.
Almaniya iqtisadiyyat nazirinin müavini Sven Giegold yeni qərarların Avropa həmrəyliyində görünməmiş bir addım olduğunu bildirib: “Rusiyadan qaz idxal etməyən ölkələr də istehlakın azaldılması qərarını dəstəklədilər”.
Musavat.com
