Bakıda ölümlə nəticələnən yol nəqliyyat hadisəsi baş verib.
Musavat.com xəbər verir ki, hadisə aeroport yolunda, SOCAR yanacaq doldurma məntəqəsinin qarşısında baş verib.
"Opel" markalı minik avtomobili yol kənarında dayanan "Mercedes" markalı avtomobilə çırpılıb.
Minik avtomobilinin sürücüsü hadisə yerində dünyasını dəyişib. Hadisə şahidlərinin bildirdiyinə görə qəzaya səbəb yüksək sürət olub.
Hadisə yerinə polis əməkdaşları gəlib. Sürücünün şəxsiyyəti və hadisənin baş vermə səbəbi araşdırılır.
İ.Muradov
