ABŞ Ukrayna Silahlı Qüvvələri üçün artilleriya sursatlarının istehsalı üzrə iki şirkətlə 522 milyon dollarlıq müqavilə imzalayıb.
“Report” xəbər verir ki, məlumatı UNIAN yayıb.
Bildirilib ki, müqavilə “Northrop Grumman Systems” və “Global Military Products” şirkətləri ilə imzalanıb. Məlumata görə, rəsmi Vaşinqton uyğun qərarı Ukraynanın artilleriya mərmilərinin qısa zamanda tükənəcəyi fonunda qəbul edib.
ABŞ mart ayında Ukraynaya yeni müqavilə ilə sursat çatdırmağı planlaşdırır. Müqavilələr Pentaqonun Ukraynanın təhlükəsizliyini qorumaq təşəbbüsü çərçivəsində bağlanıb.
