ABŞ-da keçirilən aralıq seçkilər başa çatıb.
“Report” “CNN” televiziyasına istinadən xəbər verir ki, ABŞ Prezidenti Donald Trampın da təmsil olunduğu hakim Respublikaçılar Partiyası Senat seçkilərində qalib gəlib.
Müxalif Demokratlar Partiyası isə Nümayəndələr Palatasına seçkilərdə daha çox səs toplayıb.
Belə ki, respbulikaçılar Konqressin Yuxarı Palatasında (Senat) 50 yer, demokratlar isə 41 yer qazanıb. Konqressin Aşağı Palatasına (Nümayəndələr Palatası) keçirilən seçkilərdə isə Respublikaçılar Partiyası 197 yerə, Demokratlar Partiyası isə 238 mandata sahib olub.
Qeyd edək ki, aralıq mərhələdə Nümayəndələr Palatasının 435 üzvünün hamısı, Senatın isə 3-də biri müəyyən ediləcək.
