Rusiya dünyanın ən böyük bombardmançı təyyarələri sayılan “Tu-160”-ları ABŞ-ın lap yaxınlarına, Venesuelaya göndərib. Rus təyyarələri 100 saatlıq fasiləsiz uçuşla Cənubi Amerikanın ABŞ-la düşmən mövqedə olan ölkəsinə uça bilib.
Lakin ABŞ sovet dövründən qalan bu hava maşınlarından qoxmadığını bildirib.
Musavat.com xarici agentliklərə istinadən xəbər verir ki, ABŞ-ın Kolumbiyadakı səfiri Kevin Uitaker RCN radiosuna verdiyi müsahibədə Rusiyanın Tu-160 reaktiv bombardmançılarını “təhdid hesab olunmayacaq dərəcədə köhnə" adlandırıb.
Uitakerin dediyinə görə, Tu-160-lar indi elə yaşdadırlar ki, onların Venesuelaya gəlişini təxribat belə adlandırmaq olmaz.
“Bu maşnlar ancaq muzey eksponatları üçün yarayar”,- deyə səfir fikrini tamamlayıb.
Buna rəğmən amerikalı diplomat Birləşmiş Ştatların rus təyyarələrinin Venesuelada hərəkətini izlədiyni qeyd edib.
Onu da qeyd edək ki, səsdən sürətli starteji raketdaşıyıcı Tu-160 təyyarəsi 1970-ci illərdə hazırlanıb.Təyyarənin baş konstruktoru V.İ. Bliznyuk hesab olunur.
Amerikalı diplomatın məsxərələrinə rəğmən Tu-160 hələ də dünyada ən böyük səsdən sürətli hərbi təyyarəsi sayılır. NATO sistemində “Bləkcek” “adı ilə tanınan bu təyyarəyə ruslar “Hava qu quşu” ləqəbini qoyublar.
Musavat.com
