ABŞ-dakı SƏFİRİMİZ “WASHİNGTON POST” QƏZETİNDƏKİ MƏQALƏYƏ CAVAB VERDİ
“Seçkilərin gedişində prezident İlham Əliyev səslərin əksəriyyətini qazanıb ki, bu da onun ölkədəki iqtisadi inkişafı və demokratik islahatları davam etdirməyə qadir ən ixtisaslaşmış lider olması barədə ictimai fikri əks etdirir”, - səfir yazır. Yaşar Əliyev məqaləsində bildirir ki, Azərbaycan Hayyattın yazdığı kimi “ABŞ-ın islam radikalizmi qarşısında qorxusu və Birləşmiş Ştatların neftə ehtiyacı” ilə oynamır. Onun sözlərinə görə, Azərbaycan Birləşmiş Ştatlar da daxil olmaqla özünün bütün dostları və tərəfdaşları ilə stabil və yaxşı münasibətlərdə maraqlıdır: “Bu il Azərbaycanın müstəqilliyinin 20 illiyi qeyd olunur. Və Azərbaycanın çətin yol keçərək güclü, varlı dövlətə, çiçəklənən və öz vətəndaşlarının demokratik gələcəyinin tərəfdarı olan quruluşa çevrildiyini unutmaq olmaz”.
