Katoliklərin ruhani lideri papa Fransiskonun ABŞ ziyarəti ölkədə gözlənilməz bir hərəkata səbəb olub. İnsanlar itlərinə Papanın geyimlərini geyindirərək fotolarını sosial şəbəkələrdə “papadog” etiketi ilə paylaşıblar.
ABŞ-da “Hər kəs it sevər, hər kəs Papanı da sevər” şüarı altında başlayan bu aksiya böyük qalmaqala səbəb olub. Aksiyanın iştirakçılardan biri olan Broklin Con Scor, 3 yaşlı Puggle cinsli itinə Papa geyimi geyindirib.
Vatikan sözçüsü bu barədə mətbuata açıqlama verib. O bildirib ki, bu barədə Papanın hələlik xəbəri yoxdur.
Qeyd edək ki, itlərə Papa geymləri geydirmək ilk dəfə deyil ki həyata keçirilir. 2008-ci ildə Almaniyada bir firma itlər üçün Papa paltarları hazırlamışdı və internetdə videosunu paylaşmışdı. Bundan əlavə 2013-cü ildə bir istifadəçi “Twitter”də "PopeDog "(Papa itlər) adlı hesab yaratmışdı.
Məğrur Salmanov
