Ukraynanın Luqansk vilayətinin işğal olunmuş hissəsindəki P-343 Luqansk-Lisiçansk yolunda yol-nəqliyyat hadisəsində altı nəfər ölüb.
Bu barədə qondarma Luqansk Xalq Respublikasının prokurorluğu məlumat yayıb.
“20 aprel 2024-cü il tarixində, saat 16:40 radələrində (Bakı vaxtı ilə 17:40 – red.) P-343 Luqansk-Lisiçansk avtomobil yolunun ərazisində <...> “Mitsubishi Pajero”nun sürücüsü qarşı zolağa keçərək UAZ markalı avtomobillə toqquşub. Qəza nəticəsində “Mitsubishi Pajero” markalı avtomobilin sürücüsü və sərnişini, həmçinin UAZ markalı avtomobilin sürücüsü və 3 sərnişini həlak olub”, – məlumatda diqqətə çatdırılıb.
Prokurorluq bildirib ki, durumu ağır olan daha bir UAZ sərnişini Luqansk Respublika Klinik Xəstəxanasına göndərilib. Qəza Jolobok kəndi yaxınlığında baş verib.\\“Report”
