Şimali Kiprdə seçkini müxalifət uddu
Şimali Kipr Türk Respublikasında parlament seçkisini solçu Türkiyə Respublika Partiyası udub. “Media forum” saytı xəbər verir ki, iyulun 28-də keçirilən növbədənkənar seçkidə solçular səslərin 38,37 faizini toplayıb.
Hakim Milli Birlik Partiyası 27,30 faiz səslə ikinci, Demokrat Partiyası - Milli Qüvvələr isə 23,11 faiz səslə üçüncü yeri tutub.
İyunun 5-də hakim Milli Birlik Partiyasında baş verən parçalanmadan sonra parlament İrsen Kuçuk hökumətinə etimadsızlıq göstərib və növbədənkənar seçkiyə qərar verilib.