"Beşiktaş"ın futbolçusu İngiltərə klubunda
"Beşiktaş"ın futbolçusu Kərim Fray karyerasını İngiltərədə davam etdirəcək.
Qol.az-ım klubun saytına istinadən yaydığı xəbərə görə, 23 yaşlı futbolçunu çempionşipdə mübarizə aparan "Birmingem" transfer edib. Onunla 3.5 illik müqavilə imzalanıb. İngilislər bu transfer üçün İstanbul klubuna 2 milyon 250 min avro ödəyib.
Qeyd edək ki, türkiyəli yarımmüdafiəçi 2013-cü ildə “Fülhem”dən "Beşiktaş"a transfer olunub.