İnsanlara hürriyət, millətlərə istiqlal!

Polislərin xidmət müddəti artırılır

3818 23.01.2017 19:10 Ölkə A A
Azərbaycanın daxili işlər orqanlarında kiçik rəis heyəti (siyahısı müvafiq icra hakimiyyəti orqanı tərəfindən müəyyən edilir) vəzifəsində çalışan işçilərin xidmət müddəti 5 ilə qədər artırıla bilər.

Milli Məclisdən Trend-ə verilən məlumata görə, bu məsələ “Azərbaycan Respublikasının daxili işlər orqanlarında xidmət keçmə haqqında Əsasnamə”də dəyişikliklər edilməsi barədə qanun layihəsinə daxil edilib.

Layihəyə əsasən, bu, xüsusi rütbələri tutduqları vəzifələri üçün müəyyən edilmiş rütbə həddinə müvafiq olduğu halda, işlədiyi son 5 ildə xidməti vəzifələrin nümunəvi yerinə yetirilməsinə və xidmətdə əldə edilən yüksək nəticələrə görə həvəsləndirmə tədbirləri tətbiq olunmuş, intizam qaydasında məsuliyyətə cəlb edilməmiş, fiziki cəhətdən sağlam olan kiçik rəis heyətinə şamil oluna bilər.

Hazırda isə xidmət müddətinin artrılması eyni nəticələr göstərən orta və böyük rəis heyəti vəzifələrində işləyən polis əməkdaşlarına şamil edilir.

Bu dəyişikliklər Azərbaycanın daxili işlər orqanlarında pensiya yaşına çatmış polis əməkdaşlarının xidmət müddətinin artırılmasını nəzərdə tutan siyahını genişləndirmək məqsədilə təklif edilir.

Bizim partnyorlarımız

XƏBƏR LENTİ

BÜTÜN XƏBƏRLƏR