İnsanlara hürriyət, millətlərə istiqlal!

Klublararası dünya çempionatı: “River Pleyt”- “Əl Ayn” yarımfinal matçı başa çatıb

625 19.12.2018 03:00 İdman A A

Libertadores kubokunun sahibi “River Pleyt” Klublararası Dünya Çempionatının yarımfinal matçında Birləşmiş Ərəb Əmirliklərini təmsil edən “Əl Ayn” klubu ilə qarşılaşıb. Trend-in məlumatına görə, oyunun əsas vaxtı heç-heçə başa çatıb – 2:2.

3-cü dəqiqədə Markus Berq ərəb klubunu hesabda irəli çıxardıb – 0:1. Lakin Borre 11 və 16-cı dəqiqələrdə qol vurmaqla hesabı “River Pleyt”in xeyrinə dəyişib. 51-ci dəqiqədə Kayo oyunda tarazlığı bərpa edib.

Oyunun əsas vaxtına əlavə olunmuş 2 taymda da hesab dəyişməyib. Matç sonrası penalti zərbələrində isə “Əl Ayn” daha dəqiq olub – 4:5. Sonuncu zərbəni “River Pleyt”in futbolçusu E.Peres qola çevirə bilməyib.

Bununla da “Əl Ayn” klubu finala vəsiqə qazanıb. Bu gün keçiriləcək “Kaşima Antlers” – “Real Madrid” yarımfinal matçının qalibi finalda “Əl Ayn” klubu ilə qarşılaşacaq. Final matçı 22 dekabrda keçiriləcək.

Xatırladaq ki, turnirin hazırki qalibi Madridin “Real” komandasıdır.

Bizim partnyorlarımız

XƏBƏR LENTİ

BÜTÜN XƏBƏRLƏR