Azərbaycanda siqaretlər bahalaşdı
Virtualaz.org-a ticarət şəbəkələrinin nümayəndələri tərəfindən verilən məlumata görə, Azərbaycanda siqaretlər bahalaşıb.
Qiymət artımı, demək olar ki, bütün markalardan olan siqaretləri əhatə edib. Qiyməti 2 manata qədər olan siqaretlər 10 qəpik, 2 manatdan baha olanlar isə 20 qəpik bahalaşıb.
Xatırladaq ki, bu günlərdə siqaretlərin nağd yolla topdan satışına qadağa qoyulub. Təchizatçı firmalar alınan mala görə məbləğin hamısının əvvəlcədən hesablarına köçürülməsini tələb ediləır. Satıcılar indiki qiymət artımını məhz bu amillə əlaqələndirirlər.
