Ali Məhkəmənin hakimi Braziliyada təyyarə qəzasına uğradı
Braziliyada göyərtəsində Ali Məhkəmənin üzvü olan təyyarə qəzaya uğrayıb.
AzərTac xəbər verir ki, Braziliyanın Federal Ali Məhkəməsinin üzvü Teori Zavaskinin olduğu təyyarə Rio-de-Janeyro yaxınlığında dənizə düşüb. Təyyarədəki 4 sərnişinin taleyi barədə məlumat yoxdur.
Məlumata görə, hakim Teori Zavaski Braziliyanın icra və qanunverici orqanlarının Petrobras neft-qaz şirkətində korrupsiya əməllərində iştirakı ilə bağlı təhqiqatlar aparırmış.