ABŞ Suriyada 100-dən çox "Əl-Qaidə" döyüşçüsünu məhv etdi
ABŞ Hərbi Hava Qüvvələrinin yanvarın 19-da endirdikləri zərbələri nəticəsində Suriyada 100-dən çox "Əl-Qaidə" döyüşçüsü məhv edilib.
"Report" "MİQ News"a istinadən xəbər verir ki, bu barədə ABŞ-ın Müdafiə Nazirliyinin təmsilçisi məlumat yayıb.
Adının anonim saxlanılmasını istəyən məmurun sözlərinə görə, hava zərbələri "B-52" bombardmançıları vasitəsilə həyata keçirilib. O, qeyd edib ki, yaraqlıların mövqelərinə 14 mərmi atılıb.
Nazirlik nümayəndəsi həmçinin qeyd edib ki, zərbələr "Əl-Qaidə"nin Suriyanın qərbində, İdlib vilayətindəki düşərgəsinə endirilib.