Brilliant Dadaşovanın evini su basdı, müğənni evini tərk etdi
Yanvarın 18-i xalq artisti Brilliant Dadaşovanın "Sahil" metrosunun yaxınlığında, Z.Əliyeva küçəsində yaşadığı mənzilini su basıb.
Hadisə şahidlərinin musavat.com-a verdiyi məlumata görə, buna səbəb yuxarı mərtəbədə yaşayan qonşunun qızdırıcı xətlərinin partlaması olub. Qəza baş verərkən qonşu evdə olmayıb.
Hadisə nəticəsində Brilliant Dadaşovanın mənzilinə ciddi ziyan dəyib. Saatlarla axan isti su evin təmirinə, əşyalarına zərər vurub. Mənzilin tavanı davamlı axan isti suyun təsirindən tökülüb. Ev tamamilə yararsız vəziyyətə düşüb.
Məlumatı B.Dadaşovanın köməkçisi də təsdiqləyib. Xalq artisti hadisədən sonra evini tərk edib.
İlkin
Musavat.com